يا زمان يقرنس فيـك فـرخ الدجاجـه = في وكور الحـرار يجلسـن الدجاجـي

يا عسى عسـر الليالـي ما تعـود=ما نريد سنيـن عـازل ومعـزول
والله ان كثـر التمانـي ما تفيـد=المنايـا دون امانيـنـا تـحـول
يا عظيم الشان يا منشي السحـاب=يا معيد الريف من بعـد المحـول
عل يسقـي داركـم هتـان ديـم= يا عـرب دارٍ بقايـاهـا طـلـول
غـر قاصدهـا لماردهـا سـراب=جزيت عنها الجوازي والوعـول
مابقى إلا مثل عـش العنكبـوت=الرخـم حـل بحماهـا لا تقـول
قام يدهلها على الحـول الغـراب=والوَحَش منها ومن فيهـا ملـول
الفتيّـات العفيـفـات ارهـبـن= في وطنهن وارهبن ذات البعـول
كل اهلها من سنيـن محاصريـن=ما حدٍ صابه مـن اجلهـا خجـول
يا عبـاد الله قومـوا باحتـسـاب=عارها يغش العرب عرضٍ وطول
استعينـوا بالمعيـن المستعـان=واتركو من كان ميلـه للخمـول
المعرب من وطـي حـده نخـاه=لا توانـوا يـا طحاطيـحٍ زحــول
كلما دارت رحـى ريـب المنـون=فانتم لهـا يا فطـاحلهـا ثفـول
من تعيوج عدّل بحدب السيـوف=والعقايم بالحـروب لهـا فحـول
العـرب بيناتهـم قصـرٍ مشيـد=في نهار الضيق حامل ومحمـول

يقطعك وقتٍ بالحمايل تردّيت = وطى حصينيّك على راس ذيبك
ترمي حلاحيل الرّجال بدناميت = يعجز طبيبك لا يداوي صويبك
لاهل الشهامه والعزيزين ذلّـيت = من زود جورك نازلٍ قدْر اديبك
للطّـرف والنّمام والنّذل عزّيت = اليوم اخسّ الناس قام يحكيبك
الاّ ومع ذلك من النقص خليت = ردي شبابك إتّهزّى بشيبك
يا ما نظم بسباب بلواك من بيت = ويا ما توجّد بك ويا ما بكيبك
أسقيت مروين الرهيفات حلتيت = عزّي لحيٍّ في حياته بليبك