يامرحبـاً بللّـي لفونـا عشيّـه=ارياضنـا بقدومهـم زاد نـوره
أهلّيَّ بهم عدة خطـاوي المطيّـه=واعداد منهو اعتلى فوق كـوره
ترحيبـهٍ أحلـى مـن السكريّـه=وانقى من اللي ساكنٍَّ في خدوره
الشعر صغته من دواعـاً قويّـه=جود التميمي خلاّ للشعـر فـوره
ابن سعيس ساس الكرم والحميّة=يشهد بقولي كل شخصً يـزوره
ذكرَّني طيـب اجدودنـا الأوليّـة=اهل الشهامه وأهل حسن المجوره
رشيد الحسن نوّر سمانا مجيّـه=لي كـم يـومً أترقّـب حضـوره
واعياله اللي بالمراجـل شفيّـه=الضيف يلقى من نباهم سـروره
أولاد عبدل مـن تميـم الوفيّـه=تاريخهم مالـه مثيـلً وصـوره
بالحوطه عاشوا كل اهلنا سوّيـه=اعيال عماً والـذراري مخبـوره
صفوة عبـادل مابهـم اجنبيّـه=أوطانهم عن كل باغي محجـوره
متجمعيـنٍّ فـي بـلادٍّ عـذيّـهّ=بين المزارع وبين راهي خيـوره
عاشوا براحة فـي حيـاةٍّ هنيّـه=والوقت يخفـي للعبـادل دبـوره
ضيم القرايـب فـرَّق العبدليّـه=جار الزمان وشتت الشمل جـوره
خلو وطنهم مـا يبـون الدنيّـه=وكبودهم بفرقا الديـار محـروره
طبع التميمي ما يطيـق الخطيّـه=يجفى مقام الذل ويقلـع جـذوره
تغرَّبوا وكـلاٍّ قصـد لـه نحيّـه=ونفوسهم على النوايب صبـوره
البعد فـرق الأخـو عـن أخيـه=حل الجفا والوصل قطعت جسوره
مريت وادي بريك وهيّض عليّـه=صوّر خيالي من سكن في قصوره
شميـت ريحـه عـزوةٍّ دارميّـه=لو هل دمعك ياعيونـي معـذوره
قمت اتفكّر فـي رسـوم خليّـه=والروح من زود الحنين مخطوره
جدانا اللـي مـا تهـاب المنيّـه=عانوا غرابيل الزمـان وشـروره
من يامن الدنيـا تصيبـه ابكيّـه=لابد مـا تاخـذ لهـا كـم دوره
و فاتلا جوابي أرجـو المعذريّـه=لا تواخذوني في نواحي قصـوره
صلوا على المختار سيد البريّـه=ما غرَّد القمري ابساعة ابكـوره

وسلامتكم............

فإن أصبتُ فلا عجب ولا غرر =وإن نقصتُ فإن الناس ما كملوا
والكامل الله في ذات وفي صفة = وناقص الذات لم يكمل له عملُ