بسم الله الرحمن الرحيم



سيف الدوارم ، يُظهر الخافي ويُبينُ المُلْتبس ، نصله نصرة الحق ومقبضه الحمية المحمودة وغمده صلة القبيلة ، والشاعر صالح بن عبدالرحمن التمّامي يمجّد بقصيدته تلك الشيم :



سيف الدوارم برز للكون=بداوة اتميم تمضيبه
بيض الصفايح تزيل ظنون=صحايفٍ امتلت ريبه
عبادله مجدنا مصيون=بأول وتالي مكاتيبه
ديارنا للوطن مخزون=ماهيب مراكز سراسيبه
محافظاتٍ تسر عيون=نفط وصناعاتٍ مهيبه
ماخط فخَرْنا شريف حجون=شاده محنّي مضاريبه
حكَمْنا شعبٍ عدا المليون=ماهوب بيتين وزريبه
ومنا شيخان مايحصون=بنجد وباقي اطانيبه
نجير من جالنا مغبون=وناوي عديمٍ خلا جيبه
نفزع لجارٍ وطته طعون=البوق والغدر مانجيبه
مانشحذ اقصيرنا الميمون=نرفيه لا قلّن مكاسيبه
نسند أمارة قليل العون=ونقْطِعْهْ من خدنا بطيبه
نخشر ابن عمّنا بحصون=مانسْلِبَه من مزاهيبه
نحمي ظعنّا بعزوه تصون=تسقي المعادي معاطيبه
افتر على الفرس مع فرعون=وقتٍ تقلّب دواليبه
تاريخنا بالعلا مقرون=ماجا ببوقٍ وتسّحيبه
من ود تميم ودّنَا مضمون=لا عاد حنّا حجا طيبه
فينا ذماره شدا بفنون=شعر الفرزدق يغنيبه
بنا لنا سامك ام مزون=بيتٍ رفيعه مناسيبه
بيت الشرف مايجي للدون=علمٍ هلَ الميز تدريبه
مضَر ومنّا مَلِكْها يكون=شرّفْهْ طه بمناديبه
دوارمٍ ندرم الملسون=نجب سنٍ يهذريبه

صح لسان أبو عبدالرحمن

ما شاء الله

غلب على شعره مدح بني دارم
و لقد أبدع في ذلك
شكرا أبو محمد و الحمد الله على السلامة

صح لسانك ياعمي شهادتي فيك مجروحة
لاهنت ياعمي أبو محمد على النقل

إذا خنقكْ دُخان الألم ، فَأفتح نافذة الدُعاء لِيتجّدد الهواءْ