دنّ القلم يا ذيب والطرس دنّه =إكتب بيوتٍ من هجوس متضايق
كم خيرٍ سود الليالي وطنه =محدٍ درى به يا وسيع البنايق
غيضه بصدره عن عدوه يكنه =مهوب مثلك يا خفيف العلايق
بعض العرب ما من وراهم محنه=يرمون بك بين السموم وحرايق
غلطان من حطّ الملفق مضنه =يقضي حياته بين ناعق وبايق
خمه ضرابيلٍ سملًق مصنه =ما تنْـتدبّـر مع جميع الخلايق
لابد من يوم يجي من مغنه =ما بين ساعاتٍ تحين ودقايق
تلقى بها قلوب البشر مرجهنه =من وقفةٍ فيها تبين الحقايق
أحدٍ جزاه النار واحدٍ بجنه =واحدٍ على حفرة جهنم يهايق
يا من ملايين الحرام اهلكنه =لباس ثوب اهل الغرور بدلايق
راع الخداع الله يقلع مطنه =شيٍ يليق وشي ما هوب لايق
ناسٍ بها في تالي الوقت هنه =فيها البلاوي من جميع الطرايق
كم ليث غابٍ الثعالب وطنه =لشيل حمل الضيم ما هوب طايق
بغاث طيرٍ سايع ضايقنه =مهجنات ملها اصلٍ لفايق
لابدّ ما للخيل ترخي الاعنه =تلقـى الجنايز كوم والدم رايق
كم جمع قومٍ صايلٍ صبحنه =صارت على فرسان خيله سحايق
الله يعين من البلاوي بلنه =زودٍ على حمله يشيًل وسايق
كثر الهموم من الدبور ارهقنه =وده يفيق وضاق ما هوب فايق
روابعه مما يشوف اشغلنه =ما هوب مثل مجلسه بالحدايق
كم تافهٍ نمايمه شيخنه =من عصر جده ما ذكر له سبايق
ذا قول من جزل القوافي حدنه =متضايق للسم بالدسم ذايق
ابكار فكره بالعرب حيرنه =باسبابها ساقه على القيل سايق
والختم من به جن نقرا لجنه =اقرايةٍ تقضي على كل مايق