ســجه مــع الــهاجــوس طــبيــعة ٍ لــي=طــبيــعةٍ بــامـوت مـاجـزت عـنهـا
أشـكي عـلى الـخلاق وارفـع لـه يدي=لاكـــثرت الأفـــكار يـــفك مـــنهــا
أمــا الــكرم قــد فــاز بــه حـاتـم الـطي=حتى الفرس من شان ضيفه طعنها
خــلونــي أكــرم فـي حـياتـي وانـا حـي=ولامــت مـدري جـثتـي مـن دفـنهـا
خــلقــت فـي الـدنـيا وانـا مـامـعي شـي=وبـروح مـنهـا مـامـعي شـي مـنهـا
مـسكـين يـالـلي تحسب الواجد شوي =والــعافـيه لـو تـنشـرى وش ثـمنـها
يــاجــاهــل الــدنــيا تــراهــا كـما الـفي=يــامـخبـل الـلي فـي حـياتـه ومـنهـا
إن نـاحـرت لـك قـامـت تـروح وتـجي=مـثل الـذلـول الـلي طـويـلٍ رسـنهـا
وإن دبــرت خــلتــك طــايـح ومـرمـي=وكــم واحـد ٍ لـه حـاجةٍ مـاضـمنـها
لابــد مــانــرحــل عــن الـمزح والـغي=ونــسكــن بــيتٍ قـبلـنا مـن سـكنـها
الـنفـس مـثل الغصن عايش على الري=ولـولاه كـل الـناس عـافـت وطـنهـا
يالله عسى الحسنات تقضي على السي=لاقـــربــوا لــلنــفس ذرعة كــفنــها