حياتنا عبارة عن منعطفات كثيرة .. نتعثر فيها مرة و نقوم مرات ..
و تنزل دموعنا أحيان , و أحيان نحبس الدمعة عمر ..
فكرة هالموضوع جاتني من بعض أسئلة البنات في عالمنا المخملي ..
كانوا يسألون أو يناقشون كونهم قويات و يتحملون الدنيا .. و الا رقيقات قابلات للإنكسار ..
و في الواقع ,, كثير من أحاديثنا حنا البنات تدور حول هالموضوع ,,
و ليش صار كذا ؟
و والله مافيني أتحمل زود !
و أفففف من هالعيشه ... إلخ ..
كلنا عارفين ان جميع البشر, كبار و صغار , ذكور و إناث معرّضين للجروح ,,
اللي تكون رواسب للمشاكل لما ما نمتلك قدرة على تحويرها إلى أشياء من صالحنا ..
و هالموضوع أنا خصصته فقط للنعومات ,, البنات الورديات ..
لأن طبيعة البنت أرق ماتكون من كل أنواع الناس .. جَرحها كثير ما يكون له أثر لـ مدى طويل ..
و أمام الملأ ..
أستميح ( القلب ) عذرآ .. في اني راح أجنّبه شوي .. ماراح أستغني عنه نهائيآ ..
بس راح اقرّب العقل أكثر و أتكلم بلسان المنطق و الواقع ..
هنا ..
أبي كلنا نتعلم شلون نحوّل المشكلة إلى نعمة !
ايه .. لا تستغربون حبيباتي .. نعمة تستحثّنا للحياة أكثر ..
أول شي .. خلونا نعرف وش تعني كلمة ( مشكلة ) ؟
المشكلة هي ظرف معين يحاصرنا في وقت معين لسبب معين ,, ممكن هالسبب يمكن معروف لنا ..
و في الغالب ما نعرف سببه ..
فترة المشكلة ممكن تكون نص ساعة, أو يوم, أو سنة, او حتى ممكن تستمر طول الحياة !
طيب .. شلون نعرف ان شي معين صار يعتبر ( مشكلة ) ؟
يُقال أن 50% من المشاكل هي من صُنع أيدينا ..!
وهذا صحيح .. أحياناً نزعل و نعصّب و نهيج على شي لو فكرنا جدياً فيه راح نلقاه مجرد سخافة لا تحتمل الإنتباه ..
طبعآ الحدس الأنثوي ساعات يفيدك بهالناحية , و يخبرك مسبقآ إن فيه ظرف راح يصير ..
ولو ما حسيتي فيه من نفسك , خذي شلون تعرفينه ..
لما تسمعين أو تشوفين أو تصادفين أمر , يخلّيك تفقدين اعصابك ,
أو
ترجفين ,
أو
تنزل دمعتك ,
أو
تصرخين ,
أو أي تعبير بشري مو معتاد .. حسب طبيعة شخصيتك و طريقة بوحك في ذيك اللحظة ,
اعرفي ان هذي ( مشكلة ) !
بس فيه شغله ودي ألقي الضوء عليها ,
مو كل مره تجيك هالأعراض يعني انتي تواجهين مشكلة !
دائمآ خلي شعارك : الحياة حلوة بس نفهمها ..
لا تقولون يا قدم هالمثل .. لأنه فعلآ تأثيره رااااائع في كل لحظات دنياك ..
خليك متفاءلة على طول ,, و لا تسمحين للياس يطرق باب حياتك ..
لأن الله ما اختارك تعيشين على هالأرض إلا لأنك تستاهلين .. و ظرف طارئ ما يعني أن الدنيا ما تستحق نعيشها ..
والله عز وجل يقول : (وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَْمْوالِ وَالأَْنْفُسِ وَالثَّمَراتِ وَبَشِّرِ الصَّابِرِين ) ..
صدق الله العظيم ..
يعني الله عز في علاه هو اللي اختارنا من بين البشر و ابتلانا بمشاكل يختبر فيها إيماننا و صبرنا ..
فـ ليه ما نكون أقوياء بعقيدتنا و إيماننا و صدق يقيننا ؟!
ولو عدّينا أيام الفرح في حياتنا , و أيام الحزن ,, صدقوني بنلقى ان الفرح أطول ..
بس حنا اذا زعلنا نتشاءم و كأن الحياة كلها سوداء من يومها !
وشلون نتعامل مع المشكلة ؟
هالمهارة فيه بنات كثير يفتقدونها .. والسبب انهم ما سمحوا لـ "عقلهم" يتصرف !
تلاحظون اني ما قلت "قلب" .. قلت "عقل" ..
لأنه أول و أهم عضو نحتاج مساعدته في مواجهة المشاكل , هو العقل ..
العقل اللي يميّز بين الصح و الخطأ .. و يثبت دائمآ أنه أقوى من كل المصاعب ..
لازم بدايةً كلنا نحط نقاط معينة في بالنا ..
نظريات مفروض دايم نكررها أو حتى نكتبها في قصاصات أوراق نعلّقها في كل مكان نشوفه ..
هالنظريات هي مصدر القوة للقلب البشري .. و هي :
أ. الله سبحانه و تعالى أرحم بي من نفسي .. و لو تعقدت الأمور و وصلت طريق مسدود .. يبقى رجاءي بالله كبير ..
لانه سبحانه هو اللي خلقني و اختار لي مسار حياتي ..
و ماراح يتركني أحتاج مخلوق دامه يسمع دُعائي ..
قال تعالى : (الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ الا بِذِكْرِ اللَّهِ تَطْمَئِنُّ الْقُلُوبُ ) .. صدق الله العظيم ..
سبحان الله العظيم ..
خصصي نصف ساعة في اليوم لذكر الله وشوفي شلون نفسيّتك تتغير و تحبين يومك ..
ب. أنا لازم أكون قوية لأن الحياة نعيشها مره .. ايه الحياة مره و ماتنعاد ..
يعني مفروض أستمتع بكل لحظات حياتي كثر ما أقدر ..
و قوتي و صلابة إرادتي هي نتاج طبيعي لتنشئتي بين أهلي ,
قُرب صديقاتي و حبايبي ,
و نفسيّتي الحلوة اللي تخليني أبحث عن كل شي يصقلني ..
ج. قوتي مصدرها الأساسي أنـــا .. مو دعم أبوي أو حضن امي .. أو حتى كلام صديقتي ..
أكيد و بدون شك هالمصادر مهمة لي كمخلوق إجتماعي جُبلْ على حب الناس ,
لكن مفروض أعرف انه مو كل مرة تواجهني مشكلة بتكون هالمصادر متوفرة حولي ..
طموحي / يقيني / صدق إرادتي / نيّاتي البيضاء / ثقتي باللي خلقني /
حبي لنفسي و للناس / أحلامي اللي راح تتحقق قريبآ ,,
كل هالأشياء هي اللي تمدّني بالقوة و تصلب عودي ..
د. ما في إنسان مهما زادت سلطته و كبر إسمه مو معرّض للمشاكل ..
و ممكن إنسان بسيط يتعامل مع مشكلته أفضل مليون مره من رئيس دولة !
لأن هالأمور مافيها مين إنت مين أنا ,, فيها وش تسوّي إنت و وش أسوّي أنا ..
هـ. فيه شبح كبير دايم يهجم على آمالنا و يطحنها ,, هو ( شبح اليأس ) !
هو فعلآ شبح ,, متى ما ربّيناه في دواخلنا راح يموت كل بصيص أمل فينا ..
و بالتالي راح نحس ان أبسط المشاكل أعظمها ,, و نكون دائمآ ضعفاء أمام المصاعب ..
بـ نظرية بسيطة راح أقدر أخنق هالشبح .. و باقول :
[ مهما ضاقت راح توسع .. لأن الله وعدني يكون معي .. يعني أمنياتي تتنفس أنفاسي أنا ,,
و بأعيش أنثر الامل في قلبي و على كل من يعرفني ] ..
عزيزتي ,
هذي خطوات لخّصتها و وصلت لها بعد عدة تجارب (مريرة) صقلتني و علّمتني شلون أتصرف ..
لما تتأكدين أنك أمام مشكلة .. طبّقي الآتي :
1* خذي نفس عميق, بالضبط بـ عمق إحساسك لحظتها .. و ترا علميآ أثبتوا ان أخذ النَّفس يحدّ من ارتفاع ضغط الدم ,
و يُعتبر مفتاح التعامل الصحيح مع كل أنواع الأشخاص و المشاكل .
2* امسكي أعصابك و لا تخلين قلبك يندفع .. اذا انتي من النوع اللي دمعته ( على جريف )
حاولي تقهرين الدمع واحفظيه في عيونك أطهر له من أي مكان آخر .
و اذا انتي تعصبين و تهاوشين, اعرفي ان الصوت العالي يعقّد الأمور ما يحلّها ,
و حنا هنا نبي حلول للمشاكل مانبي نضاعفها .
عدي ( في داخلك ) من 1 إلى 10 .. صدقيني راح تهدى نفسك كثير .<~ ديني كيآني تقولك أستغفري أحسن ..
3* حاولي تجلسين لحالك لفترة , امسكي ورقة و قلم , و حلّلي المشكلة و قسميها أجزاء :
- عوامل المشكلة .. ليه صارت ؟ وش السبب ؟ هل هو إنتي ؟ او أحد ثاني ؟ أو قدر من الله سبحانه وتعالى ؟
- أطراف المشكلة .. مين داخل فيها ؟ انتي لحالك والا معاك أحد ؟
سواءً الاطراف المتضررة أو حتى اللي لها علاقة نوعآ ما بالمشكلة .
- قلب المشكلة .. في جملة واحدة لخّصي المشكلة .. على الشكل الآتي :
( صار ..... لأن ...... و راح أسوي ..... )
- ما بعد المشكلة .. دورك فيها و كيف راح تحلّينها جذريآ أو حتى تساعدينها انها ما تتفاقم و تصير أكثر تعقيد .
4* تذكري النظريات الخمس اللي ذكرتها فوق .. و ردديها بينك وبين نفسك .. و بتحسين بكمّ من القوة يغمر روحك ..
5* بعد ما تكونين استوعبتي المشكلة بكل جوانبها و حللتيها و استمديتي القوة من نفسك, ألحين جاء وقت التنفيذ ..
فكري بـ حل منطقي قابل للتحقيق .. ابتعدي عن المبالغات العقيمة والحلول المجنونة ..
مثلآ ( أنا بروح لها ألحين و أقلب الدنيا على راسها ! ) ..
أو ( اذا ما كسرت يده حمودي اللي يكسّر أرواجي كل مره ما أكون ... ) ..
هالحلول كفيلة انها تنرفزك + تبعد الناس عنك + تصاعد المشكلة و تخليها كتلة مشاكل ..
بـ تطبيق اللي ذكرته فوق ,, صدقوني راح تتغير مسارات حياتكم بالكامل ..
لأن أكثر مآسي فشلنا هي غلطات ارتكبناها في حق أنفسنا ..
و متى ما كنت أهدّي نفسي / أفكر صح / أتعامل صح .. ما في مشكلة ( عويصه ) عندي مهما كانت ..
و أخيراً ..
خلونا كلنا نتعاون ,, و نتكاتف في تغيير نظرة المجتمع للبنت ..
نبي بنات بـ قلوب و ردية ,, و عقول ملوووووونة ..
بإمكاني أكون المرجع الأساسي لإيجاد حلول لمشاكل الناس اللي حواليني .. إذا آمنتْ إني أقدر ..
و أثبتت قدرتي على العطاء في تمثيل دور الإنسان العاقل المتزّن اللي يحسب افعاله مية مره
قبل لا يّقدم عليها ..
و كوني بنوته نعومه ,, ما يعني اني سريعة الإنكسار !
تجاربي بالحياة مهما كانت صعبة و جارحة ,, راح أحوّلها إلى رصيد دائم في تجاربي ..
يمدّني بـ كمّ قوة احتاجها لنفسي .. و بعد أوزّعها على كل إنسان محتاج لها حولي ..
ايه نعم حنا بنات ,, رقيقات مثل الفراش ..
لكن الضو عمره ما يحرقنا ..
ختاماً ,,
أتمنى من كل قلبي يكون موضوعي هادف و مفيد و غيّر بعض القناعات الخطأ عندنا ,,
و يارب ولا وحده مننا تشوف المشاكل في حياتها ..
ممآ رآق لي ..
محبتكم دآآآآئمآ / ديني كيآني ..
الأعضاء الذين قالوا شكراً لـ ديني كياني على المشاركة المفيدة:
موضوع غاااااااااااااااااااااااااااااااااااااااااااااايه في الروعه
مع ان خطوات حل المشكله مانيب معتس فيها والله ان العقل يغيب لينعصبت الوحده <<<يبي له مهاااره
مشكووورة غلاي على طرحك القمممممممممممممممممه !!
{,, ❥ قـلـب الـبـنـت .. لـآآآآآ تـجـرحـونــهـ ! ❥ ||~
.gif "Q1 (169)")
.gif "Q1 (123)")
..
العرض العادي
