باسم الضمير....اقولها في قصيده
ياهل العقول الواعيه والرشيدهـ
المنكر الي عمنا يبغي انكار
اسلامنا واسلوم اهلنا التليدهـ
بنو مابين الحق والباطل جدار
واوطاننا صرخة تطور تشيدهـ
في مايخدم المجتمع علم واعمار
وبعض الفضائيات تبغي تبيدهـ
وتنشر مابين اجيالنا الخزي والعار
حرب الجيوش اهون شهيد وشهيدهـ
بس المصيبه والبلا حرب الاقمار
قتيلها جيل وعقول وعقيدهـ
وموت العقول اشد من قصف الاعمار
بعض البرامج للمتابع مكيدهـ
واحبالها يقع بها اصغار واكبار
قناة ساحر حط فيها بريدهـ
يقول راسلني واعلمك وش صار
وقناة رقص ونقص والي يزيدهـ
شات كلامه يجرح اعراض الاحرار
وقناة دز اسمك سعيد وسعيدهـ
واصبر وشوف للحب نسبة ومعيار
وقناة تجمع كل جنس وضديدهـ
بين اربعة جدران من كل الاقطار
وتابع تفاصيل الحياة الرغيدهـ
حتى إذا ناموا وقاموا للإفطار
واسهر وشجع يمكن الي تريدهـ
يفوز ويسمونه العالم استار
راحوا ضحاياها فئات عديدهـ
ومع ضياع الوقت تسمم افكار
وراعي القناة اهم حاجه رصيدهـ
لا لامته نفسه ولاخاف من نار
وترى الفضائيات فيها المفيدهـ
ماننكر انها في الدجى مثل الانوار
قناة دين علم واشياء حميدهـ
تاريخ واشعار وثقافات واخبار
بإسم الضمير اقولها في قصيدهـ
يكفي خراب بيوت وافكار وديار
ابن فطـــــــــــــــــيس
|
العرض العادي
