بسم الله الرحمن الرحيم
كيفكم ان شاء الله بخير .... بدون مقدمات فأنا ماحب الاطالة قبل فترة واجهت احد الاصدقاء القدامى وقال لي حنا طالعين للبر لازم تسّير – انا من سمعت طاري البر سال سعبولي – قلت يصير خير ولّزم الرجال وفعلا جيتهم كانت القيلة عائلية رجال بس يعني كل الموجودين اخوانه وابوه وانا بس ابوه رجل ستيني لكن تحفة تمزح معه وتضحك وتنسى فارق العمرمن سوالفة تحس انه يملك خبرة لايستهان بها فكل كلمة تقع في نفسي مثل ابيات جرير تحس انه مايسولف كأنه يقرأ من حكّم لقمان الحكيم عاد انا حبيت اشارك وقلت من بين السوالف ماشاء الله منهوله هالجيب جيب في اكس آر – جديد واقف تخبرون اهم شي عندنا السيارات وابي اشارك – قال الشايب لي تآمر علية قلت مايوخذ عقبك ان شاء الله يعطيك من خيره ويكفيك شره – استحيت – قال لي عطني ددسن غمارتين وخذه !!!!! بعد هالكلمة فتحت افمي وعيوني وتصلبت – صرت مثل تمثال رمسيس – سبب الدهشة ان قيمة الفي اكس آر تجيب ثلاث دداسن على الاقل بعدين وش جاب هذا لهذا اخذت برهه – شي البرهه - وانا بقمة البوهه مندهش لين قال ولده تقهو هنا انقطعت سلسلة افكاري – افطن يا ادسون انت افكارك - توقعت انه يستعبط وبالاخذ والرد اكتشفت انه جاد ومقتنع برأية الذي يخالفة علية اولاده بالاجماع فأنا واولاده مقتنعون ان الجيب افضل من جميع النواحي ولكنه يرى ان خدمة الددسن الذ من غيرها من السيارات له منطق غريب
هنا حضر بذهني اعتماد بعض الشيبان على عامل هندي عنده بالبيت يصب قهوه وشاهي ويفتح الباب ويحيي بالضيوف لا ويلّزم عليك بعد – متعلم السلوم صح – ولا يمنع انه ينجز اهم الاعمال للوالد والوالدة واهل البيت مع ابعاد اولاده من صلبه عن هذه المهام التي تعتبر من اهم مايتعلمة الولد من ابوه بل انها هي المرجلة التي يتفاخر بها الشباب الى حد انك تعتقد انه من اهل البيت ((ابو هنود)) يدخل ويطلع حتى داخل البيت وهذي ليست مبالغة انا شفت بعيني الهنود عند ابواب البيوت بالرياض وجدة بشكل ملفت للنظر وعندنا بشكل اخف قليلا ولم اتوقع انها اصبحت ظاهرة حتى جتنا فتوى ارضاع الكبير لسماحة الشيخ العبيكان هنا أدركت أن الوضع خطير والظاهره منتشره بشكل كبير ... نرجع لسالفة شايبنا وش اللي خلاه يختار الددسن على الفي اكس آر ؟؟؟؟؟؟؟
ليش يبعدون اولادهم من اصلابهم ويعتمدون على الهندي او البنقالي اوغيره ؟؟؟؟؟
الحمدلله رب العالمين الذي اعطاني عقل استطيع ان اميز به الصح من الخطأ فأنا لم اطرح الموضوع كدعاية لشركة تصنع السيارات او لأبحث عن اجابة عن الاسئلة هل انت مع او ضد ؟؟؟؟ او اطرح استفتاء بين اخواني في هذا المنتدى لمزيد من النقاش!!
ولكن السؤال الذي يجب الوقوف امامه كم ددسن عندكم بالبيت ؟؟؟؟؟؟؟
8
8
8
8
كل هذا ولايحب الاطالة
صباحكم عسسسسسسسسسسسل
ددسن غمارتين
العرض العادي
